Zaimina Vasjari vendosi të realizonte një set fotografik së bashku me vogëlushen Khloe, e cila erdhi në jetë më 29 janar të këtij vitit.

“E vogla ime Khloe, këtë fundvit kam gjithë botën në duart e mia, të kam ty. Faleminderit Zot!” – shkruan ajo krahas fotos ku shfaqet e veshur me një fustan të kuq të shkëlqyeshëm së bashku me të voglën, e veshur po me motive festive.

Këngëtarja ka postuar gjithashtu edhe një foto të Khloes krahas motrave nga martesa e parë e të atit. Kristel dhe Khloe kanë veshur fustan matchy-matchy, ndërsa Jennifer ka preferuar një fustan të kuq të shkurtër.

“Gëzuar Krishtlindjet nga familja jonë për familjen tuaj.”

Për herë të parë, Zaimina i prezantoi dy vajzat përmes disa postimeve në InstaStory në gusht të këtij viti, me rastin e ditëlindjes së Kristel.