Zayn Malik mund të jetë i lidhur me një nga modelet më të bukura në industrinë e modelingut, por ai është padyshim një nga personazhet më me stil. Vitin e kaluar, ai nisi karrierën e tij solo, dhe njoftoi misionin për t’u bërë një stilist ikonë. 23 vjeçari u bë si i “shtëpisë” në eventet më të njohura të modës, dhe lançoi bashkëpunimet e tij me Versace dhe Zanotti.

Por së fundmi, brandi i njohur italian i këpuceve, “Giuseppe Zanotti” ka zbuluar këpucët e dizenjuara nga Zayn dhe duhet ta pranojmë që perveç faktit se këngëtari duket “hot”, edhe këpucët janë në të njejtën lartësi.

Ky koleksion i ri është quajtur “GiuseppexZayn” dhe përfshin 2 palë këpucë për burra dhe dy palë atlete “sneaker”, që të dyja me ngjyra të errëta organike.

Secila prej tyre përmban shkrimin dhe një pllakë-logo “Giuseppe për Zayn”. “Unë besoj se stili vjen nga të provuarit e shansit, nga të guxuarit dhe mospasja frikë për të shprehur veten”, tha Zayn në një deklaratë për shtyp.