Prej disa ditësh Afërdita Dreshaj dhe Jakub Kindl janë martuar dhe mesa duket janë shuam të lumtur me njëri-tjetrin... por për të arritur deri në këtë lumturi, për Juakub-in paska qenë goxha e vështirë.

Pas dasmës ajo u nisë për në muaj mjalti në ishujt Karaibe dhe sot ka dhënë një intervistë për ‘Revistën Who’ ku ka zbuluar më shumë detaje nga ceremonia e martesës, por për herë të parë ka rrëfyer dhe njohjen me partnerin çek.

“Jemi njohur në një restorant sushi… Unë isha vetëm për tre ditë në Michigan dhe kisha dalë atë mbrëmje për një darkë, sepse ime motër Jehona, kishte ditëlindjen. Përballë nesh ishte një tavolinë me dy djem, të cilët na qerasën, ne i falenderuam, u përshëndetëm me ta dhe vazhduam."

"Pas asaj mbrëmjeje Kubi kishte bërë gjithçka për të gjetur numrin tim të telefonit. I ishte lutur pronarit të restorantit, që ne e kishim mik, por ai nuk ia kishte dhënë. I kishte treguar vetëm emrin tim dhe Jakub, kishte nisur kërkimet dhe mesazhet në rrjetet sociale. Më kishte shkruar në ‘Facebook’, por ajo adresë nuk ishte e vërtetë. Pastaj kish nisur të më ndiqte në ‘Twitter’ dhe të më bënte ‘retweet’, sepse nuk më dërgonte dot mesazh aty, pa e ndjekur dhe unë. Disa ditë më vonë unë isha në aeroport për të shkuar nga Chicago në Miami për punë dhe vetëm aty shikoj një adresë të verifikuar që më bënte ‘retweet’ për të më fituar vëmendjen. Në atë moment fillova dhe unë ta ndiqja në ‘Twitter’ e Jakub më dërgoi mesazh dhe aty filloi çdo gjë”, ka treguar Afërdita.