I dashuri afgan i Anxhelina Petros e ka pasur frikën se diçka e keqe mund të ndodhte, ndaj ka insistuar në telefon, për të ditur nëse gjithçka ne takimin e vajzës me te atin ishte mirë, apo jo.
Mediat greke kanë zbardhur dëshminë që djali me të cilin Anxhelina jetonte një lidhje prej kohesh ka dhënë në polici. Madje dëshmia i është marrë edhe babait të tij adoptues, i cili ka thënë se i ati i vajzës nuk e kishte pranuar kurrë lidhjen e të rinjve.
Djali ka thënë se kanë qenë bashkë për më shumë se një vit, saktësisht 13 muaj. Anxhelina donte të shkonte të vizitonte babain e saj për shkak të festave. Djali nuk kishte qenë dakord, pasi kishte frike.
“Ajo nuk kishte raporte të mira me të atin, megjithatë unë e shoqërova deri afër shtëpisë”- ka thenë ai.
Ishte ora 20:45, kur i dashuri afgan mori në telefon Anxhelinën për t’u siguruar që kishte mbërritur tek banesa e babait të saj.
Kjo ishte telefonata e parë që mesa duket revoltoi Aleko Petron dhe nxiti debatin mes tyre.
Në orën 21:23, i dashuri telefonoi përsëri Anxhelinën. Ai tregon se biseda zgjati 26 sekonda.
“E pyeta si po kalonte, ajo më tha se ishte në shtëpinë e babait dhe nga zhurmat në sfond kuptova që Anxhelina po ngjiste disa shkallë”- ka thënë ai.
Pastaj ai tregon se vajza i tha ta mbyllte, ndërkohë që në sfond dëgjoi se Aleko po i bërtiste. “Është e ndaluar që t’i flas edhe në telefon”?- është dëgjuar vajza që të përgjigjej, e më pas telefoni u mbyll.
“Me Anxhelinën kishim rënë dakord që pasi të largohej nga banesa e të atit, të takoheshin në një pikë të caktuar, por nuk mbërriti kurrë në atë destinacion”- tha ai.
Pasi Anxhelina nuk shkoi në pikën e takimit dhe nuk i përgjigjej në telefon, i dashuri afgan njoftoi policinë.