Ky version është mbrojtur edhe nga opozita duke u bazuar në dëshminë e banorëve të zonës sipas të cilëve helikopteri ka qëndruar për pak kohë në doganën e Hanit të Hotit. Ndërkohë nga ana tjetër arkitekti Piro Zguro nisur nga njohuritë që ka për helikopterat ka bërë një hetim të pavarur dhe ka arritur ne konkluzionin se helikopteri i cili i mori jetën tashmë “Dëshmorëve të Kombit” nuk është i njëjti me atë te dogana.

Arkitekti Piro Zguro ka shkruar:
Duke qene se helikopteret i njoh me sy mbyllur dhe ne gjume vendosa te bej nje hetim te pavarur mbi helikopterin qe u ngrit nga Hani i Hotit. Me rezulton qe nuk eshte i njejti helikopter me ate qe u rrezua ne liqen.
Helikopteri ne dogane eshte i tipit AGUSTA WESTLAND AW109 prodhim gjermano-italian dhe jo Eurocopter.
Tiparet dalluese te ketij tipi jane :
Tre rrota. Njera perpara dhe dy te pasmet te dala jashte.
Tipari tjeter i ketij helikopteri eshte hunda me maje dhe jo e harkuar si shumica e Eurocopter.
Kurse tipari me i dallueshem dhe identifikues i ketij helikopteri eshte fundi i bishtit ne forme gjembi. Keto fakte vetem per kete episod i them me siguri shkencore. Sa per cfare thuhet lart e poshte per Eurocopterin dhe shkaqet e rrezimit sdi te them.

Lidhur me këtë çështje ka reaguar edhe kompania Shega Trans në pronësi të së cilës është helikopteri civil i fotografuar në doganën e Hanit të Hotit. Sipas tyre helikopteri nuk transportonte asnjë mermer të çmuar për vila vipash në Vermosh, por lapidarian përkujtimor të një ish-koloneli zogist.

Ja reagimi i plotë:

Reagimi i kompanisë "Shega Trans"
Kompania “Shega Trans” sha, duke u nisur nga disa lajme të publikuara në mediat onlinë lidhur me aksidentin e ndodhur dje ne një helicopter të FA-ve në liqenin e Shkodres ,ndjen detyrimin moral të bëjë këtë komunikim per të sqaruar mediat dhe opinionin publik.
Kompania jonë gjate ditës së djeshme ka kryer 2 fluturime ajrore në veri te shqiperisë, konkretisht nga vendi i quajtur “Shtoj, Malesi e madhe per ne Curraj i Eperm , Tropoje
Keto dy fluturime janë kryer per te permbushur amanetin e nje qytetari Shqiptar të vdekur jashte kufijve te shqiperise per ndertimin e varrit te tij ne vendin e lindjes Curraj i eperm, Tropoje.
Per kete arsye kemi bere dy flurimime per te transportuar pllakat e mermerit dhe materialet e nevojshme per ndertimin e varrit.
Kompania Shega Trans gjen rastin të shprehe ngushellimet më të sinqerta familjareve, të cilët humbën të dashurit e tyre në këtë aksident tragjik, Forcave të Armatosura të cilat humbën njerëzit e tyre të shtenjte, si edhe mbarë shoqërisë civile per kete humbje të dy të rinjve të cilët po sterviteshin pikërisht per të shpëtuar jetë njerezish.
Kompania “SHEGA TRANS” sha