Arta Kacabuni u dëbua nga Italia me urdhër të gjykatës për nxitje të veprime terroriste pasi u kujdes dhe përkrahu kauzën e ISIS. Vëllai i saj u riatdhesua disa muaj më parë pasi kishte dalë nga burgu i Grossetos. Arta e njohur ndryshe si Alina, ishte e njohur për policinë që nga viti 2015, si pjesë e një hetimi që çoi në arrestimin e 10 ekstremistëve islamikë. Skuadra toskane e hetimit së bashku me atë të Milanit, e identifikuan Arta Kacabuni për pjesëmarrje dhe dërgimin në Siri të disa ekstremistëve islamikë, përfshirë Maria Giulia Sergio dhe burrin e saj shqiptar Aldo Kobuzi. Ata janë ende në Siri që nga viti 2014, pasi u bashkuan me për forcat ekstremiste. Hetimet treguan se duke u përpjekur për të dërguar miqtë dhe të afërmit në Siri, Arta kishte treguar përkrahte sulmet terroriste të viti 2015 në Paris. Pasi u dënua nga gjykata e Milanos, ajo u dërgua në aeroportin e Romës në Fiumicino dhe u dëbua nga Italia për arsye sigurie.
Terroristja shqiptare 44-vjeçare emigroi me vëllanë e saj në Itali. Ajo ka luajtur një rol të rëndësishëm për të bindur Maria Giulia Sergio, të njohur ndryshe si Fatima, për t'u martuar me nipin e saj Aldo Kobuzi dhe për ta dërguar atë në Siri. Maria Giulia Sergio ishte gruaja e parë italiane që u bashkua me Xhihadin dhe hera e fundit që ka komunikuar ka qenë në vitin 2015, kur u përpoq që të bindte, të afërmit e saj duke folur përmes Skype, që ti bashkoheshin në Siri.
Shqiptarja, banore në krahinën e Grosseto ka qenë e përfshirë në aktivitete terroriste duke u përpjekur që të bindte me shumë gra të tjera që ti bashkoheshin ISIS, pasi i mbushi mendjen Fatimes. Ajo u arrestua në verën e vitit 2015 për aktivitetet e saj pro organizatës terroriste. Në vitin 2017 u vendos në arrest shtëpie, por nga banesa ajo vazhdonte të mbante kontakte me personazhe shumë të lidhur me terrorizmin ndërkombëtar. Në prill, ajo u dënua për pjesëmarrje në bashkëpunim me qëllime terroriste deri në tre vjet e tetë muaj, por për shkak të rrezikut të saj, u dëbua menjëherë përsëri në Shqipëri. Terroristja ishte përpjekur që të bindte edhe motrën e Fatima Marianna Sergio për t'u bashkuar me Kalifatin dhe në një përgjimin të saj kishte thënë se terroristët kishin bërë mirë që kishin kryer masakrën e Charlie Hebdo më 7 janar 2015 dhe se All-llahu do ti shpërblente.
Që nga janari i vitit 2015, 341 persona janë dëbuar nga Italia për arsye sigurie, nga të cilat 104 në vitin 2018.