Ne të gjithë e njohim Kylie Jenner si një adhuruese të Instagram-it, e çmëndur pas flokëve dhe një sipërmarrëse e suksesshme e produkteve kozmetike. Do të gënjenim nëse sdo pranojmë se na pëlqen shumë të shikojmë çdo lëvizje të saj në Snapchat, por nuk e dinim se 19 vjeçarja mund të jetë “Hannah Montana”! e jetës reale. Jemi rritur me personazhin e Miley Cyrus që bënte një jetë të dyfishtë, një si fëmijë i zakonshëm dhe një si një këngëtare shumë e njohur. Por dyshimet e fundit mesa duket provojnë që Kylie Jenner po jeton këtë jetë të dyfishtë.

Gjithçka ka nisur me grupin muzikor Terror JR. Grup i përbërë nga 3 artistë, Felix Snow, David Benjamin, si dhe misteriozja, Lisa Terror. Hera e parë që dëgjuam për grupin ishte kur kënga e tyre u bë këngë kryesore e reklamës “Glosses” të Kylie Jenner. Një zgjedhje e rëndomtë për dikë që ka shumë lidhje me artistë të mëdhenj.

Adresa e vetme që Terror Jr ndjek në rrjetet sociale është ajo e Kylie Jenner, dhe adresat e vetë grupit, të gjitha të lançuara më 31 mars, në të njejtën ditë që u publikua reklama e bukuroshes 19 vjeçare.

Akoma nuk jeni bindur?

Po sikur të ju kujtojmë që Kylie i kishte flokët pink më parë….dhe fotoja e Terror Jr në Tëitter na shfaq Lisa Terror (ose Kylie) me flokë pink dhe fytyrë të fshehur.

Mirë, nëse ende nuk jeni bindur, kjo do të ju shuajë çdo dyshim. Një foto është publikuar nga kompania ASCAP (Shoqata amerikane e kompozitorëve, autorëve dhe publikuesve) që na tregon qartë Kylie Jenner si performuese me Terror J në këngën e tyre “3 Strikes”.

Zëri duket se është i modifikuar, dhe nëse ende spo e kuptoni të gjithë këtë, ju duhet ta pranoni se ajo këngëtare mund të jetë Kylie!