E dinit që edhe hijet e irisit mund të tregojnë detaje rreth karakterit tuaj.

Sipas një ekipi kërkimor që i përket Universitetit Örebro në Suedi, ka vërtet një lidhje gjenetike midis zhvillimit të lobit frontal të trurit dhe formimit të irisit.

Sytë më të rrallë janë ata me nuancë të gjelbër! Vlerësimet tregojnë se vetëm 2% e popullsisë botërore ka këtë nuancë, e cila ka sasi të ulët të melaninës dhe ka tendencë të jetë më e zakonshme tek gratë.

Ndërsa, ngjyra më e zakonshme është ngjyrë kafe, e cila është pothuajse 55% e pranishme tek njerëzit. Sytë në këtë nuancë shfaqen shpesh në të gjithë botën dhe kanë sasi të larta të melaninës.

Këto nuanca, duke filluar nga lajthia në gështenjë, duket se i përkasin njerëzve të pajisur me simpati, vetëbesim dhe sinqeritet ndaj të tjerëve. Por, lexoni këtë shkrim për të zbuluar më shumë rreth personalitetit tuaj bazuar në ngjyrën e syve!

Sy në nuancë kafe

Dritëhijet e kësaj ngjyre shkojnë nga lajthia e lehtë në atë më intensive të kafesë. Kjo nuancë të kujton drurin, një material të ngrohtë dhe natyral. Ngrohtësia, një ndjenjë e mirësjelljes dhe miqësisë duket se karakterizon njerëzit me këtë nuancë. Sipas hulumtimeve në përgjithësi, këta janë individë shumë të ëmbël, të hapur dhe inteligjentë.

Sy të kaltër

Duket se të kesh sy blu është sinonim i besimit në botë. Nga tonet ndryshueshme të akullit në hijet e thella të syve të kaltër, blu-ja të magjeps, sepse ajo godet drejt e në zemër. Kush ka sy të kaltër është shpesh një person i turpshëm dhe i matur, beson në vlerën e miqësisë dhe… nganjëherë ai tenton të bjerë në dashuri duke e rrotulluar veten në iluzione, sepse ai jeton në një botë të vetën! Kushtojini vëmendje faktorit të xhelozisë.

Sy të zinj

Të thellë, misterioz, të paarritshëm: sytë në këtë ngjyrë posedojnë hijeshinë e misterit dhe duket se fshehin sekretet e lashta. Të gjallë, të çuditshëm kur janë në shoqëri dhe plot karakter, njerëzit me sy të zinj kanë kurajë të madhe dhe forcë të brendshme. Shqetësimi i tyre? Janë dashamirës të konkurrencës, e në disa raste mund të mëkatojnë me krenari.

Sy të gjelbër

A keni sy të gjelbër? Sipas hulumtimit ju jeni një person krijues, shumë bujar dhe me një origjinalitet fantastik. Ju doni të provokoni, ju jeni të paparashikueshëm dhe nuk jeni të dëshpëruar përballë punës urgjente, sepse ju e dini se si ta kapni momentin dhe të punoni nën presion. Në dashuri, ju jepni veten tërësisht dhe vështirë se bini pre e zemërimit të madh, por… ju tentoni të jeni shumë të ndjeshëm.

Sy gri

Kush ka sy gri shpesh është një person që nuk i pëlqen të jetë qendra e vëmendjes! Magjepsja e ushtruar nga ky vështrim misterioz është një amalgamë e rrallë e bukurisë së rafinuar dhe lirisë së heshtur. Kush ka irisin në nuancë të akullt ose me hije jeshile, në disa ditë mund të shohë ngjyrën e syve të ndryshojë, e cila kthehet befas. Ky tipar zbulon një personalitet të ndërlikuar që shpesh i përket njerëzve inteligjentë, të zgjuar, të sigurt (por vetëm në dukje), të përpiktë deri në pikën e prekjes së perfeksionizmit.