Kjo javë që lamë pas ishte shumë e vështirë për shkak të reshjeve të shumta të shiut e përmbytjeve dhe si rrjedhojë na është dashur të strukemi në një batanije në shtëpi apo të rrimë ngrohtë me miq në ndonjë kafene. Mirëpo në çdo moment, përveç shiut, ajo që na ka shoqëruar ka qenë muzika.
Na ndodh shpesh herë të dëgjojmë një këngë por nuk e dimë titullin e saj dhe menjëherë kërkojmë në Shazam, e lidhur me këtë, playlista e 5 këngëve më të kërkuara në Shazam është kthyer në një rubrikë të përjavshme në intv.al. Për të disatën javë rradhazi, kënga më e kërkuar nga dëgjuesit shqiptare në Shazam është “Rockstar” e Post Malone ft 21 Savage. Në vendin e 2-të klasifikohet një këngë “new entry”, me të vërtetë shumë e bukur, bëhet fjalë për “Perfect” të Ed Sheeran.
Ndërkoëhë që podiumi mbyllet nga superhiti “Havana” i Camilla Cabello ft Young Thug. Në vendin e katërt renditet një këngë shqiptare e publikuar së fundmi, pikërisht “Një Lamtumirë”, bashkëpunimin e Danit dhe Irkenc Hykës. Ndërsa në vendin e pestë pozicionohet një tjetër shqiptare, Rita Ora me superhitin e saj “Anywhere”.

5-Rita Ora - Anywhere

4-Irkenc Hyka ft. Dani - Nje Lamtumire

3-Camila Cabello - Havana ft. Young Thug

2-Ed Sheeran - Perfect

1-Post Malone - rockstar ft. 21 Savage