Qarku i Lezhës është përzgjedhur nga dy kandidatët që synojnë të marrin drejtimin e partisë demokratike për të shpalosur platformat e tyre. Gjatë takimit me demokratët e Lezhës, Lulzim Basha thotë se bashkimi është e vetmja mënyrë për ringitjen e demokratëve, ndërsa thotë se është i vetëdijshëm për përgjegjësitë e tij për humbjen e thellë të demokratëve në 25 qershor.
Lulzim Basha:
“Marr përgjegjësitë e mia dhe pranoj përgjegjësitë e mia në këtë proces. Gabimet e mia janë të gjitha politike, sepse prej minutës së parë asgjë se kam bërë për veten time, për pushtetin tim, apo për karrigen time, por gjithçka e kam vënë në funksion të Partisë Demokratike dhe demokratëve të thjeshtë".
Edhe rivali I tij Eduard Selami gjatë prezantimit të platformës së tij për drejtimin e partisë demokratike tha se ajo pasqyron gjithë problematikën dhe zgjidhjet për gjendjen kritike të PD pas humbjes në 25 Qershor.