Pasi mori vendimin të largohet nga Real Madrid në fund të sezonit të kaluar, tekniku francez po kalon kohë me familjen në Madrid. Zinedine Zidane nuk duket i shqetësuar nga thashethemet e një rikthimi në stol.

Emri i tij është përmendur me klubin e Premier League, Manchester United. Por sipas të afërmëve të tij, deri tani ai nuk ka pasur asnjë kontakt me Djajtë e Kuq. Atij nuk i pëlqen ideja të ulet në stolin e një ekipi me probleme në mes të sezonit. Gjithashtu, fakti që nuk di anglisht, është një tjetër pengesë.

Ai ka vetëm një ekip në mendje për rikthimin e tij. Pikërisht Juventus. Një klub ku ai ka luajtur si lojtar dhe që ka ëndërr të trajnojë, ashtu si Real Madrid.