Zjarri po prek një pjesë të madhe të territorit. Gjatë mesditës së ditës së sotme mësohet se një zjarr i madh ka përfshirë masivin pyjor te zona turistike “Rana e Hedhun”, në Shëngjin. Zjarri i përmasave të mëdha raportohet se rrezikon të gjithë zonën për rreth. Sipas të dhënave të para bëhet e ditur se zjarrfikëset janë nisur drejt vendngjarjes, por e kanë të vështirë ndërhyrjen për shkak të terrenit. Mbase dhe kjo zonë është një tjetër vatër zjarri që kërkon ndërhyrjen me helikopter për shuarjen e flakëve.