Situata e zjarreve po kërcënon vendin në këto ditë me temperatura të larta. Së fundmi mësohet se ka shpërthyer një zjarr me përmasa të mëdha mbrëmjen e sotme në Kuç të Vorës. Rreth 50 forca ushtrie dhe 3 automjete zjarrfikëse kanë mbërritur në zonë për të neutralizuar flakët e zjarrit.

Angazhimi për shuarjen e flakëve është i madh, pasi zjarri i përmasave të mëdha po i afrohet një fabrike me fishekzjarrë.

Bashkë me forcat e ushtrisë, në vendngjarje kanë mbërritur edhe 30 zjarrfikës të cilët po punojnë për fikjen e zjarrit.