Një ngjarje e rëndë ka ndodhur në Rragam të Shkodrës ku një banesë është përfshirë nga flakët.

Si pasojë e flakëve është djegur 17-vjeçarja Elisabeta Kola, e cila nuk flet dhe nuk dëgjon. 17-vjeçarja ka pësuar djegie të shkallës së tretë. Zjarri në shtëpinë e saj ra mbrëmjen e kaluar rreth orës 21:00, kur ajo ndodhej në gjumë në një dhomë të shtëpisë.

Deri tani nuk dihen ende shkaqet e rënies së zjarrit, policia po punon për zbardhjen e ngjarjes.