Edhe pse numri i zjarreve është ulur ato vazhdojnë të jenë të pranishme në vend.

Sipas Emergjencave Civile gjatë 24 orëve të fundit në të gjithë vendin janë shënuar 8 vatra zjarri në disa qarqe të  vendit.

Në Korçë vijojnë të jenë aktive vatrat e zjarrit të rëna një ditë më parë në vendin e quajtur “Përroi i Qershisë” ndërmjet kufirit ndarës të njësisë administrative Lekas dhe Voskopojë.

Terreni i vështirë malor e ka bërë të pamundur ndërhyrjen e zjarrfikësve.

Edhe në Theth zjarri i rënë në një sipërfaqe pyjore ka djegur disa pisha. Për të neutralizuar vatrën ë zjarrit është angazhuar edhe një helikopter.

Në Dibër është riaktivizuar vatra e zjarrit në Liqenin e Zi.

Në të gjithë vendin për shuarjen e zjarreve janë angazhuar rreth 90 punonjës zjarrfikës, 12 automjete zjarrfikëse, Forcat e Armatosura të Ushtrisë, dhjetëra punonjës të Pyjores dhe policisë, të mbështetur nga helikopterë.