Qeveria shqiptare dhuron 100 mijë euro për rindërtimin e Katedrales së Parisit. Vendimi është marrë në mbledhjen e sotme të qeverisë, drejtuar nga zv. kryeministri Erion Braçe, për shkak të një vizite në Katar të kryeministrit Rama.

Më herët, edhe Kosova është bërë pjesë e listës së kontribuuesve, por pa dhënë një shifër konkrete.

Aktualisht, deri më tani janë grumbulluar rreth 1 miliardë euro.

Dy ditë më parë Katedralja e famshme e Parist u përfshi nga flakët që shkatërruan një pjesë të saj. Në solidarizim për rindërtimin e saj janë shprehur edhe shumë prej miliarderëve të botës.