Një gomone e Portit të Policisë Kufitare në Himarë është përfshirë nga flakët gjatë orëve të mbrëmjes së ditës së hënë.
Sipas policies së Himares, gomonia e cila ishte ankoruar në port, është djegur pjesërisht. Nga përfshirja në flakë  e mjetit lundrues, uniformat blu bëjnë të ditur se ka mbetur i lënduar edhe drejtuesi i mjetit lundrues, shtetasi me inicialet B.I., 46 vjeç, banues në Himarë, punonjës i Policisë Kufitare.
Nga të dhënat e para të grupit hetimor për këtë ngjarje bëhet me dije se zjarri është shkaktuar për pasojë të një shkëndije elektrike në momentin kur drejtuesi i gomones ka qenë duke kryer shërbimet përkatëse të nxjerrjes së ujit, nëpërmjet ndezjes së pompës.
Ndërkohë uniformat blu të Himarës pritet të zbardhin të plotë ngjarjen.