Prej ditës së djeshme, flakët po përpijnë  shumë sipërfaqe bimësh, pemësh dhe pishash në parkun natyrorë te Puljat në Velipojë. Të paktën 8 hektarë bimësi të ndryshme janë djegur në këtë rezervat, i cili është njohur prej vitesh si një vend ndalimi për shpendët shtegtarë.

Ndërhyrje  të shumta ka patur për fikjen e zjarrit, si nga ajri gjithashtu dhe nga toka. Përpjekjet e deri tanishme kanë qenë pa rezultat, sepse tentativat për fikjen e zjarrit kanë dështuar. Ai  vazhdon të jetë akoma kërcënim për pjesën e mbetur të parkut.

Shirat e rënë mbrëmbë në territorin e vendit nuk e prekën zonën e Velipojës, kështu që zjarri ka vazhduar pa pushim. Ndërkohë, atje ku ka pasur rreshje flakët janë shuar. Policia e Qarkut Korçë njoftoi se ka shoqëruar 6 persona të dyshuar për zjarrvënie të qëllimshme.