Zëvendëskryeministri serb, Rasim Ljajiç shprehet kundër konfliktit të ngrirë me Kosovën. Për të, konflikti i ngrirë nuk është zgjidhje, por duhet shumë punë.

“Është lehtë të flasësh për një konflikt të ngrirë duke mos bërë asgjë, mirëpo a mund të durojnë serbët e Kosovës? Edhe me Trump, politika e Amerikës ndaj Serbisë nuk ka ndryshuar. BE edhe pse e dobësuar e ka të njëjtin qëndrim ndaj zgjidhjes së çështjes së Kosovës. Çështja e Kosovës nuk mund të zgjidhet aq shpejt sa disa njerëz në bashkësinë ndërkombëtare e presin. Për Kosovën është duke u folur intensivisht për dekada, s’mund të zgjidhet për disa muaj, madje pozicionet janë ende shumë të largëta ”, ka theksuar Ljajiç

Zëvendëskryeministri serb ka shtuar se nëse lejohet anëtarësimi i Kosovës në OKB, atëherë nuk ka më për çfarë të diskutohet.