Të shumta ishin vlerësimet nga mediat e huaja për këngëtaren, vitin që lam pas. Por edhe ky vit që sapo ka hyrë ka nisur me "këmbën e djathtë". Kjo pasi falë albumit të ri "Dallëndyshe", Elina është renditur e para në klasifikimin e 10 artistëve dhe grupeve më të mira të xhazit për vitin 2015-të, të publikuar nga gazeta zviceriane "Aargauer Zeitung". "Është për t'u vlerësuar fakti se si artistë si Elina Duni e kanë zgjeruar konceptin e të bërit muzikë xhaz", është shprehur një ekspert i fushës për këtë gazetë. Çfarë nderi për ne, t'i prezantohemi botës me talente të tilla!