Barcelona ka zyrtarizuar transferimin e mbrojtësit Lucas Digne. FC Barcelona ka arritur marrëveshjen me Paris Saint-Germain FC për të transferuar francezin 22 vjeçar Lucas Digne për pesë sezonet e ardhshme. Barça ka paguar 16.5 milionë euro për lojtarin, një shifër që mund të shkojë në 20.5 milionë euro nëse lojtari dhe ekipi arrijnë suksese në vitet në vazhdim. Barcelona i ka vënë një klauzolë 60 milionë euro lojtarit.

Pasi lojtari ra në sy te ekipi i parë i Lille, ai u ble nga PSG në 2013 ku ai qëndroi deri në 2015. Digne kaloi sezonin e kaluar i huazuar te AS Roma, duke u përballur me Barçan në fazën e grupeve të Champions League. Lucas Digne do të mbërrijë në Barcelonë mëngjesin e së enjtes për t’ju nënshtruar vizitave mjekësore dhe të nënshkruajë kontratën e re.