Zyrtarisht, Federata Shqiptare e Futbollit njofton se ditën e sotme ka ndërprerë bashkëpunimin me trajnerin, Christian Panucci. “E falenderojmë trajnerin Panucci për punën e zhvilluar deri më tani dhe i urojmë suksese në vazhdimin e karrierës”, thuhet në njoftim.
“Ekipi kombëtar në ndeshjen e dytë zyrtare eliminatore kundër Andorrës në transfertë do të drejtohet nga Ervin Bulku dhe Sulejman Mema, si edhe pjesa tjetër e stafit aktual”, vijon njoftimi.

Duket se për këtë vendim shkak është bërë ndeshja e mbrëmshme, ku ekipi shqiptar humbi 0-2 ndaj Turqisë në “Loro Boriçi”.