Zlatan Ibrahimoviç është zyrtarisht lojtari më i ri i skuadrës së Manchester United, dhe këtë e ka bërë vetë të ditur sulmuesi suedez. Ai ka konfirmuar këtë lajm me anë të një postimi në Facebook, duke sqaruar tashmë të gjithë futbolldashësit të cilët ishin në pritje se me kë ekip do nënshkruante Ibrahimoviç pas përfundimit të kontratës me PSG.

“Momenti që e gjithë bota ta marrë vesh. Destinacioni im i ri është Mancheshter United” shkruan bomberi suedez.

Ibra do të vihet nën urdhrat e Jose Mourinho, trajner me të cilin ka punuar edhe te Interi më parë. Akoma nuk janë bërë me dije termat e kontratës, por flitet se ajo është 1 vjeçare. United njoftoi më parë se do të zhvillojë një miqësore me Galatasaray, pikërisht në Suedi.