Të lënduarit nga tërmeti janë vizituar nëper spitale nga Ministrja e Shëndetësisë Ogerta Manastirliu. Nga Spitali i Traumës ajo tha se numri i personave të lënduarve në total është 68 persona.

''Pashë të lënduarit më parë në Tiranë. Nga 52 raste u trajtuan në spitalin e Traumës dhe aktualisht po marrin shërbim 21 qytetare. Situata paraqitet e qetë. Qytetarit po marrin shërbimin e nevojshëm. Një rast po bën ekzaminime të mëtejshme. Të gjtha strukturat spitalore janë përforcuar me stafe shtesë për të përballuar fluksin dhe çdo të papritur. Në total janë 68 persona, që kanë marrë shërbime në Durrës dhe Tiranë. Tani fluksi ka rënë dhe situata është nën kontroll. Qendra e Urgjencës Kombëtare është duke punuar intensivisht. Janë 200 telefonata që janë bërë për ndihmë nga qytetarët. Këto situata  shoqërohen dhe me gjendje paniku. Ekipet e urgjencës kanë shkuar dhe në shtëpi për shërbime. Është e rëndësishme të ruajmë qetësinë. Vlerësimet do të bëhen hap pas hapi për të qenë të kujdesshëm’’, raportoi Ministrja Manastirliu nga Spitali i Traumës dhe më pas u nis në Durrës për të vizituar të lënduarit e tjerë.