Odise Roshi ka firmosur kontratën 3-vjeçare me Terek Grozny, duke mbyllur transferimin e tij në kampionatin rus. Anësori i kombëtares kuqezi ka pozuar edhe me fanellën e skuadrës së re të Premier Ligës Ruse, në krah të shokut të pandarë, Bekim Balajt, dhe dy menaxherëve, Ardian Aliaj e Shkumbin Qormemeti. Ka qenë pikërisht ky i fundit që ka negociuar dhe udhëhequr me sukses këtë tratativë, duke i bërë sërish bashkë, si te Rijeka, dy kuqezinjtë.

Mësohet se Rijeka, që nuk e kishte në planin e vet mesfushorin shqiptar, që nuk ia dha hapësira aktivizimi edhe sezonin e kaluar, ka përfituar 500 mijë euro me këtë rast, një shumë jo e vogël, edhe pse për një lojtar të kombëtares nuk hyn dhe aq në sy.

Në gjurmët e tij ishte vendosur edhe Odise Roshi, që sot ka zyrtarizuar skuadrën e tij të re, ku shpreson të ketë aktivizim të rregullt dhe të mos ndeshë në pengesat që s’i superoi dot si duhet në Gjermani dhe Kroaci.