Media italiane “Pianeta Italia” ka hedhur dritë mbi një skandal të mundshëm për zhdukjen e 1300 kontenierëve me plehra kimike për të cilët mendohet se janë groposur në Shqipëri. Dhe lidhur me këtë problem të madh, kjo media ka intervistuar një zyrtare në Ministrinë e Mjedisit të Maqedonisë, Eva Netkovska.

Sipas saj, 1300 kontenierët me lëndë të rrezikshme janë groposur në Shqipëri.

“Hetimi i zhvilluar nga policia italiane ka arritur në përfundimin se ato janë varrosur në Shqipëri. Sipas informacioneve tona Shqipëria është e përzierë në biznesin e plehrave.

Në disa zona të vendit ato groposen ose digjen...shpesh bashkë me plehrat normale futen edhe ato të rrezikshme...qarkullojnë sasi të mëdha parash...trafiku kontrollohet nga mafia”, thotë zyrtarja maqedonase.