Shkarkime pa fund, por edhe dorëheqje. Nga 10 klubet e Kategorisë Superiore, i mbijetuari i vetëm është Ilir Daja te Skënderbeu.

Trajneri kryeqytetas udhëhoqi korçarët drejt titullit të tetë në histori, duke nisur me sukseset që në Ligën e Europës, ku arriti ta kualifikojë ekipin në grupe.

Në skuadrat e tjera të Superiores ka pasur ndryshime të shpeshta në pankina, duke filluar me Kukësin, Partizanin, Luftëtarin, Laçin, Vllazninë, Teutën, Lushnjën, Kamzën dhe Flamurtarin. Ernest Gjoka është i fundit trajner i larguar, teksa dha dorëheqjen pas humbjes ndaj Partizanit në transfertë. Klubet që ndërruan më shpesh trajnerët janë Partizani, Teuta dhe Lushnja.