INTV NEWS SHOWBIZ MAGAZINA MUSIC MOVIES FASHION SMART MED+ SPORTS VIDEOS

Ministria e Infrastrukturës kundër AKEP, për draftin që favorizon në mënyrë të paligjshme Albtelecom [VIDEO]

Publikuar më: 15:50 13-02-2018

Ministria e Infrastruktures dhe Energjitikes i bën thirrje AKEP të mos miratojë në mënyrë të fshehtë dhe të pakonsultuar vendimin që favorizon Albtelecom, duke penalizuar dy kompanitë e tjera celulare në vend. Në reagimin e saj ministria thekson se nuk mund të merret asnjë vendim i tillë pa u konsultuar me parë dhe mbi të gjitha pa marre parasysh faktin se duhet të respektohet konkurenca e ndershme në treg.
“Referuar interesimit mbi raportimet e ditëve të fundit në media mbi rregullimin e tarifave të interkonjeksionit në tregun celular, sqarojmë se AKEP është një institucion rregullator i pavarur për tregun e komunikimeve elektronike që raporton në Kuvend për aktivitetin e tij. Detyrat dhe kompetencat e AKEP janë të përcaktuara në ligjin për komunikimet elektronike. Ky ligj garanton që çdo procedurë dhe vendim rregullator i AKEP-it, sikurse dhe çështja në fjalë kalon përmes procedurës së konsultimit,” thuhet në njoftimin e ministrisë.
Po Ministria e Infrastrukturës s’do ta lerë me kaq, por do ta monitorojë këtë proçes.
“Do të ndjekim me kujdes situatën që çdo rregullim i këtij tregu të jetë në përputhje me politikat e zhvillimit, në mbështetje të interesit publik dhe nxitjes së investimeve përmes zhvillimit të konkurencës së ndershme,” vijon deklarata.
Ministria e Infrastrukturës dhe Energjetikës ka sqaruar se AKEP është një institucion rregullator i pavarur për tregun e komunikimeve elektronike që raporton në Kuvend për aktivitetin e tij ndaj dhe detyrat dhe kompetencat e e tij  janë të përcaktuara në ligjin për komunikimet elektronike. Por çfarë po bën Kryetari i Akep Ilir Zela? Ai po përpiqet të miratojë një vendim që bie ndesh me rregullat dhe kompetencat e tij. Ky vendim, kërkon të diferencojë zbatimin e masës rregulluese të mos diskriminimit në tarifa me pakicë të thirrjeve on- net/ off net për Albtelecom dhe dy operatorët e tjerë Vodafone Albania dhe T- Mobile. AKEP kërkon t’ ja heqë këtë detyrim Albtelecom, duke filluar nga data 1 Prill i këtij viti.
Pra në këtë mënyrë duke synuar miratimin e këtij vendimi, Kryetari i Akep Ilir Zela po shkel disa rregulla: Së pari rregullat e tregut dhe konkurencën e lirë si edhe rregullat ligjorë dhe financiarë, ndaj kompanive të tjera mëdha në vend, që operojnë me sukses prej vitesh duke sjelle kontribute në ekonominë shqiptare.

radio TV

Të fundit

Kryesore

    LIKE Shqip Top 10

    poll
    Article Logic
    Execution time: 0.0013589859008789
    array(1) { ["section"]=> string(15) "ministria-50218" }