Cansel Saygin është një ndër blogeret më simpatike me origjinë shqiptare. Të gjithëve mund t’ju tingëllojë çuditshëm emri dhe mbiemri i saj turk, por mamaja e Cansel është shqipëtare. E ftuar në emisionin Adrenalinë në IN Tv Cansel tregon rrugëtimin e saj për të hapur nje blog të vetin. Cansel shprehet se mundohet të kombinojë çdo stil dhe trend duke u frymëzuar kështu edhe nga blogeret e huaja.

E pyetur nga moderatorja e emisionit Ueda Kullakshi se çfarë është shumë në modë këtë periudhë, Cansel shprehet: “ Beretat dhe kapelet janë shumë në modë edhe pse unë nuk i përdor shumë”. Gjithsesi për Cansel vëthët vazhdojnë të mbeten aksesoret e saj të preferuar dhe që nuk i mungojnë thuajse asnjëherë. Nëse doni të dini më shumë rreth modës së fundit ndiqni se çfarë ju këshillon Cansel në intervistën e mëposhtme: