INTV NEWS SHOWBIZ MAGAZINA MUSIC MOVIES FASHION SMART MED+ SPORTS VIDEOS
Zemrat e duhanpirësve duan 15 vjet për të rimarrë veten

Zemrat e duhanpirësve duan 15 vjet për të rimarrë veten

Publikuar më: 10:02 07-11-2018

Duhanpirësit që heqin dorë nga konsumimi i cigareve duhet të presin 15 vjet, që rreziku për tu prekur nga goditjet apo sëmundjet e zemrës të kthehet në nivel normal. Në këtë përfundim ka arritur një studim i ri kryer nga ekspertët amerikanë. Studimet e mëparshme sugjeronin se rreziku i goditjes te ish-duhanpirësit stabilizohet brenda pesë viteve, por kërkimet e reja tregojnë se mund të duhet trefishi i kohës që diçka e tillë të ndodhë. Raporti, i cili do të paraqitet javën e ardhshme në konferencën e Shoqatës Amerikane të Zemrës, është i pari që shqyrton lidhjen direkte. Pas analizimit të të dhënave për 8,700 njerëz gjatë 50 viteve,studiuesit zbuluan se nevojiten më shumë se një dekadë që zemrat e duhanpirësve të çlirohen nga dëmtimet e rrezikshme për jetën të nikotinës, duhanit dhe një morie të kimikateve të tjera në cigare. Enët e zemrës dhe të gjakut janë më të shpejta për të rimarrë veten nga dëmtimi i pirjes së duhanit, shpjegon autorja kryesore e studimit Meredith Duncan, një studente doktorature në Qendrën Mjekësore të Universitetit Vanderbilt. Ekipi i Duncan kategorizoi 'duhanpirësit e rëndë' si njerëz që konsumonin çdo ditë një pako cigare për 20 vjet. Te duhanpirësit e rëndë rreziku nga sulmet në zemër llogaritet me 70 për qind. Pas pesë vitesh, ata që e braktisën panë rënie të rrezikut të tyre me 38 për qind në krahasim me ata që nuk e kishin lënë. Por u deshën 16 vjet pas heqjes dorë nga duhani që rreziku i sëmundjeve kardiovaskulare të ish-duhanpirësit të kthehej në nivelin e atyre që nuk e kishin pirë kurrë. Sëmundja e zemrës është vrasësi numër një në çdo vend të botës, duke përfshirë SHBA-në dhe Britaninë e Madhe, ndërsa normat janë në rritje (për shkak të obezitetit, stresit, mungesës së stërvitjes dhe dietave të varfra).

radio TV

Të fundit

Kryesore

    LIKE Shqip Top 10

    poll
    Article Logic
    Execution time: 0.00079703330993652
    array(1) { ["section"]=> string(61) "zemrat-e-duhanpiresve-duan-15-vjet-per-te-rimarre-veten-77896" }