Fidan Bejta, 29 vjeç, ndërhyri kur një grua me problem psikologjike tentoi të godiste fëmijët me një thikë kuzhine në një kënd lojërash. Në ceremoninë gala të heronjve suedezë të zhvilluar në orën 20:00 më 17 dhjetor, ai u vlerësua si ‘engjëlli mbrojtës’ i vitit 2018. "U ndjeva i lumtur kur mësova se do të merrja këtë çmim", thotë ai. "Është e vështirë të pranosh. Unë jam i tmerruar që po qëndroj në këtë skenë” tha para të pranishmëve i riu.

Ishte data 10 maj. 29-vjeçari Fidan Bejta jeton me djalin e tij dyvjeçar dhe gruan në një apartament në Möllevången. Ai po bëhej gati për të shkuar në punë.
"E lash djalin tim në këndin e lojërave së bashku me vajzën e motrës sime. U ngjita në apartament për tu ndërruar”- thotë ai. Po qëndronte në një nga dhomat e banesës ku po ndërronte rrobat,kur ai papritmas dëgjoi motrën e tij duke bërtitur në ballkon: "Është një grua që po ndjek fëmijët me thikë!". Fidan dhe motra e tij e njohin mirë njëri-tjetrin. Ai e kuptoi se zëri i saj ishte i mprehtë. "Në sekondë u ula poshtë shkallëve nga kati i pestë. Mendova për djalin tim që ishte atje”, thotë Fidan Bejta. Ai pa njëzet fëmijë, disa të rritur të panikuar dhe një grua me një thikë kuzhine të madhe të verdhë në dorën e saj. "Bërtita, të gjithë fëmijët të dalin nga këtu," thotë ai. Me kujdes, ai iu afrua gruas me thikë dhe u përpoq të fliste me të. Kur ai ishte rreth gjysmë metër larg saj ajo goditi me thikë në ajër drejt Fidan.

"Mendova se nuk duhet të qëllonte ndonjë fëmijë, më mirë të më dëmtonte mua”-rrëfen ai. Pas rreth tre minutash goditje me thikë në ajër, një tjetër burrë erdhi për ta shpëtuar të riun. Ai tërhoqi vëmendjen e gruas së thikës. Ajo ktheu shpinën nga Fidan Bejta. "Mu dha mundësia të bëja atë që duhet të bëja. E godita në shpinë, dhe ajo u rrëzua”, tha ai. Dy burrat e mbajtën gruan në tokë derisa policia erdhi në vend dhe e mori atë. “Policia ishte atje për dy minuta. Ata ishin shumë të shpejtë”, thotë Fidan Bejta.