Në një aksident janë plagosur rëndë 5 persona mëngjesin e ditës së sotme. Mësohet se ngjarja ka ndodhur në aksin rrugor Milot-Laç, tek mbikalimi i Laçit. Sipas të dhënave të para të uniformave blu, një automjet veturë me targë të Kosovës 07-473-CB në të cilin udhëtonin katër shtetas kosovarë është përplasur me një zetor, teksa ky i fundit doli nga një rrugë dytësore dhe i preu rrugën mjetit.
Si pasojë e aksidentit janë dëmtuar 4 shtetasit kosovarë që udhëtonin në mjetin veturë, 2 prej tyre ndodhen në Qendrën e Traumave në Tiranë, kurse 2 të tjerë ndodhen në spitalin e Lezhës nën kujdesin e mjekëve.
Gjithashtu i dëmtuar ka mbetur edhe drejtuesi i zetorit i cili ndodhet në Qendrën e Traumave në Tiranë nën kujdesin e mjekëve.
Grupi hetimor në vendngjarje vazhdon hetimet për zbardhjen e plotë të shkaqeve të aksidentit.