Ditën e premte, policia ka dorëzuar në Prokurorinë e Elbasanit 863 mijë eurot e sekuestruara në makinën e Orest Sotës. Eurot janë dorëzuar në organin e akuzës bashkë me deklarimet dhe formularët e plotësuar nga policia e shtetit. Sipas burimeve, 863 mijë eurot do t’i nënshtrohen një ekspertize të detajuar për të parë gjurmët e gishtave të lëna mbi to. Por, pasi janë seksuestruar, eurot janë numëruar nga policia e shtetit dhe kjo përbën një problem në punën e ekspertëve. Megjithatë ekspertiza pritet të hedhë dritë edhe mbi pyetjen nëse paratë i përkisnin Saimir Tahirit. Nëse në kartëmonedha do të gjenden gjurmët e gishtave të ish-ministrit atëherë kjo është një provë e fortë që përveç patentave implikojnë direkt deputetin Tahiri.