Gmail është viktima e fundit e një skeme mashtrimi që ka hedhur në tokë edhe përdoruesit me më shumë eksperiencë të njësive kompjuterike. Ky mashtrim po cilësohet si një nga më bindësit deri sot dhe i bën përdoruesit që të japin detajet e tyre si adresa e-mail dhe fjalëkalimi, duke depërtuar në të. Një mesazh fals po qarkullon në adresat e ndryshme të Gmail dhe përmban linkun e një dokumenti PDF. Nëse klikoni linkun, shkoni në një faqe false Gmail ku supozohet të futeni nëpërmjet të dhënave tuaja. Duke i futur këto të dhëna, llogaria juaj kompromentohet dhe piratët e kompjuterat futen drejt e në e-mailin tuaj. Por jo vetëm kaq. Pirati mund t’i dërgojë e-mail miqve tuaj duke kopjuar stilin tuaj të shkrimit dhe duke i dërguar dokumentin PDF që më pas t’ua vjedhë edhe atyre llogarinë. Kështu që bëni mirë të kini kujdes pasi viktimë në këtë skemë mund të bjerë kushdo.