Ministri i Brendshëm, Sandër Lleshaj është pyetur sot nga gazetarët nëse është ushtruar dhunë nga policia ndaj studentëve. Ai ka thënë se policia nuk ka bërë vepër penale, duke shtuar se tanimë protesta nuk është e studentëve por të një grupi të vogël që bllokojnë universitetet.

“Policia s’bën vepër penale por punon për sigurinë e vendit. Studentët kanë protestuar me të gjitha mënyrat që donin, tani s’flasim për studentët por një grup të vogël që po bllokojnë universitetin”, tha Lleshaj.

Këto deklarime ministri i Brendshëm i bëri pas ceremonisë për 106-vjetorin e Policisë së Shtetit.