Një makinë e tipit “BMW X6” ka dalë nga rruga dhe ka përfunduar në kanalin anësor të hapur për ndërtimin e “Lungomares”. Policia, që ka shkuar menjëherë në vendngjarje, njofton se nga ky aksident mbetën të plagosur rëndë personat që ndodheshin në automjet, drejtuesi Petro Bego, 21 vjeç, dhe pasagjeri Kristo Panajoti, 17 vjeç, të cilët u dërguan për në Spitalin e Vlorës. Bluzat e bardha njoftuan se 17-vjeçari ka ndërruar jetë 5 minuta pas mesnate, pasi nuk u ka mbijetuar dot plagëve. Grupi hetimor po kryen veprimet e mëtejshme për sqarimin e rrethanave të aksidentit.