Nga shirat e rrëmbyeshëm dhe moti tepër, tre familje janë evakuuar pak çaste më parë në Vlorë, pasi rrezikoheshin nga përmbytjet në zonën e Llakatundit. Në orët në vijim pritet të evakuuohen edhe familje të tjera.

Familjet e evakuuara janë në fshatin Risili të njësisë administrative Llakatund. Shkak janë bërë prurjet e dendura të lumit Shushicë që rrezikon seriozisht banesat që ndodhen pranë.