Ish-ministri i Jashtëm i Francës, Bernard Kushner pret që Bashkimi Evropian të nis negociatat për anëtarësimin e Shqipërisë këtë vit. Në një artikull të publikuar në prestigjiozen “Financial Times”, Kushner shkruan se nuk beson që “lodhja e zgjerimit”, Brexit apo nacionalizmi në rritje po bëhen pengesë për avancimet e vendeve kandidate në Ballkanin Perëndimor. “Pas zgjedhjeve më vonë këtë muaj në Shqipëri, dhe ndoshta gjatë samitit vjetor të Ballkanit Perëndimor, i planifikuar për në Trieste në korrik, pothuajse me siguri do të jetë një kërkesë që negociatat e pranimit me Tiranën të fillojnë këtë vit”, shkruan ai. Në këtë shkrim të diplomatit francez flitet vlerësohet figura e kryeministrit Edi Rama si një njeri që nuk shet slogane. Ai e nis artikullin e tij me fjalët “Kryeministri Edi Rama, ka simpatinë e Brukselit”. Më tej ai shprehet se , Rama po shfaqet si një ndër liderët politikë më të sofistikuar në Evropë. “Artist me famë ndërkombëtare, ish-basktebollist, poliglot dhe ndryshe nga të tjerët nuk shet slogane”, thekson Kushner. Sipas diplomatit BE duhet ti mbajë shpresat gjallë në Ballkan duke udhëhequr drejt unionit liderët pro-BE. “Nuk është e pashmangshme, por supozimi im është se përgjigja e BE-së do të jetë pozitive, në lidhje të paktën me negociatat”-analizon ish-ministri. Brukseli është zotuar të avancojë rrugën e integrimit për 6 vendet e Ballkanit dhe ai ka ndihmuar sa herë ka pasur vështirësi, siç ka bërë së fundmi në Maqedoni dhe Shqipëri. “ E gjykoj këtë duke u bazuar në burimet që Brukseli ka zotuar t’i mbajë të gjashtë kandidatët e Ballkanit në rrugën e anëtarësimit dhe për të ndihmuar sa herë që kanë lindur vështirësi, siç kanë bërë më së fundi në Maqedoni dhe Shqipëri.