Municion armësh i është gjetur shtetasit Ermal Sino në Fier. Mësohet se uniformat blu të këtij qyteti kanë arrestuar në flagrancë 45-vjeçarin Ermal Sino, lindur në Kuçovë e banues në Fier. Sino ka një histori të gjatë me drejtësinë shqiptare, pasi ai është dënuar në vitin 1999 me burg për vrasje si edhe në vitin 2014 është proceduar penalisht për shkatërrim prone me dashje.
Sipas njoftimit të policies, 45 vjeçari Erma Sino është arrestuar gjatë orëve të para të mëngjesit të ditës së mërkurë. Mësohet se në momentin e ndalimit, Sino kishte me vete një pistoletë TT, model 54 me 8 fishekë, një pistoletë Cervena Zastava, model 70 me 7 fishekë, një selenciator për Zastavën, dy radio marrëse-dhënëse dhe një aparat fotografik.
Ndërsa pas kontrollit që i’u bë në banesë, 45 vjeçarit iu gjet një tjetër pistoletë tip Zastava me krëhër me tre fishekë, një automatik ”P.M.SH” me krëhër me 19 fishekë dhe 79 fishekë automatiku, model 56. Armët i janë sekuestruar në cilësinë e provës materiale.