Avokati i Popullit ka hartuar një raport përfundimtar për sjelljen e policisë, Prokurorisë dhe Gjykatës në lidhje me arrestimet e protetuesve të pagesës për Rrugën e Kombit. Sipas këtij institucioni urdhrat e ndalimit të tyre nuk kanë arsyetim dhe institucionet ligjzbatuese kanë kryer disa shkelje.

Në raport mes të tjerash shkruhet: “Nuk janë evidentuar nga ana e Prokurorisë ose Policisë veprimet konkrete të bëra midis tyre për të dokumentuar orën në të cilën i është kërkuar zbatim i këtyre urdhrave. Oficerët e Policisë Gjyqësore kanë dështuar të evidentojnë në mënyrë të saktë orën në të cilën personave u është privuar liria.”
E në fakt një video e publikuar nga opozita dy ditë më parë tregonte se ata janë arrestuar në mesnatë.