Një sasi e konsiderueshme lëndësh narkotike rreth 1 ton e 200 kg kanabis sativa janë sekuestruar nga policia e Tiranës gjatë dy operacioneve.

Në një konferencë për mediat drejtori i policisë së Tiranës Ardi Veliu bëri me dije se gjatë operacionit 'Befasia' janë arrestuar 6 persona dhe janë shpallur në kërkim tre të tjerë.

Gjatë operacionit kanë rënë në pranga Fation Mesi, Ilir Ferati, Izmir Muja, Saimrir Grosha ndërsa është shpallur në kërkim një tjetër person me inicialet A.Q.

Ndërsa në operacionin e dytë janë arrestuar Hasan Sula dhe bashkëshortja e tij Merita Sula si dhe janë shpallur në kërkim djemtë e tyre, banues në Rinas.

Në banesën e tyre janë gjetur 170 thasë me bimë narkotike me peshë prej 1239 kg. Mësohet se të arrestuarit e opreacionit të parë janë furnizuar me drogë nga familja Sula.

Gjatë operacionit janë sekuestruar 2 automjete lukzose dhe 4 telefona celularë.