Duket se më në fund dimri erdhi. Rreshjet e borës kanë vijuar deri në orët e para të mëngjesit në juglindje të vendit.

Rreshje janë regjistruar në zonat malore mbi 1000 m mbi nivelin e detit. Trashësia më e madhe është rregjistruar në fshatin e Dardhës atje ku i ka kaluar 15 cm.

Dëborë ka pasur në të gjitha fshatrat rrëzë malit të Gramozit në Kolonjë.

Fatmirësisht të gjitha akset rrugore të këtyre zonave malore janë të kalueshme paprobleme.

Nga dita e djeshme të gjitha mjetet e firmave kontraktore janë në gatishmëri me mjete dhe bazë materiale të siguruar.

Reshjet e para të dëborës janë regjistruar edhe në qarkun e Elbasanit, kryesisht në fshatrat malore të Librazhdit.

Ndërkohë edhe në veri të vendit ka nisur dimri.

Në Bulqizë, ulja e temperaturave është shoqëruar edhe me reshje bore dhe ngrica.Sipas autoriteteve vendore mësohet se reshje bore deri në 5 cm ka pasur në disa fshatra të thella, në njësitë administrative Trebisht dhe Martanesh, por edhe në disa fshatra të Njësisë Administrative të Macukullit dhe Xiberit të Matit.