Një shpërthim tronditi Burrelin mbrëmjen e së dielës.

Ngjarja ndodhi në një lokal në lagjen “Partizani”.

Mësohet se lënda plasëse është hedhur në dritaren e tualetit të bar-kafesë që ishte marrë me qira nga një 35-vjeçar.

Fatmirësisht, nga shpërthimi nuk ka njerëz të lënduar, vetëm dëme materiale.

Policia ka marrë në pyetje 3 persona që mund të kenë dijeni për ngjarjen dhe po shqyrton provat materiale.

Gjatë natës janë kryer kontrolle në zonë në kërkim të autorëve të ngjarjes.