Vetëm pak minuta pasi ILDKPKI publikoi vendimin se kla nisur hetimin e plotë të pasurisë së Alfred Pezës dhe të familjarëve tij, ka reaguar deputeti spocialist. Nëpërmjet një statusi në facebook, deputeti Alfred Peza është shprehur se mirëpret kontrollin e plotë nga ILDKPKI për pasurinë e familjes së tij, pas blerjes së 1 milionë dollarë aksione të një banke të nivelit të dytë. Peza inkurajon ILDKPKI t’i shkojë deri në fund, me shpejtësi, paanësi dhe profesionalizëm këtij hetimi të thellë e shterues dhe se do të jetë në dispozicion të këtij institucioni 24 orë më 24
Alfred Peza në facebook:
“Sapo jam informuar në lidhje me njoftimin më të fundit për shtyp të ILDKPI, që i adresohet personit tim, me cilësinë e Deputetit tëe Kuvendit të Shqipërisë.
Mirëpres kontrollin e plotë dhe hetimin administrativ që ILDKP ka nisur sot në lidhje me pasurinë e familjes time. Inkurajoj IDKPI ti shkojë deri në fund, me shpejtësi, paanësi dhe profesionalizëm këtij hetimi të thellë e shterues.
Nxis institucionin që me të njëjtën ndjeshmeri dhe seriozitet të hetoje këdo nga të zgjedhurit e Kuvendit të Shqipërisë, të zgjedhurit lokale dhe persona të tjerë subjekt i hetimit nga ana e këtij institucioni, sot e në vazhdimësi, për të cilët ka patur, ka apo do të ketë indicie të njëjtë apo të ngjashme. Unë dhe bashkëshortja ime, jemi të hapur dhe do të qëndrojmë 24 orë/ 24 në dispozicion të ILDKPI për të bashkëpunuar në sqarimin dhe përfundimin e plotë të kontrollit dhe hetimit të sapo nisur”.