Reformimi i sektorit të ujit do të shoqërohet me rritje të çmimit të tij për konsumatorët në të gjithë vendin. Enti Rregullator i Ujit e ka paralajmëruar këtë në raportin vjetor, ku vlerëson se ka ende hapësira për të rritur tarifat që lidhen sidomos me pjesën e shërbimeve. ERRU konfirmon se ende situata mbetet problematike me një humbje në rrjet prej 67% të ujit dhe ku lidhjet e jashtëligjshme zënë një pjesë të konsiderueshme të paktën 20%të totalit.

Skema e financimit parashikon që nga rritja e tarifave të ujit të përballohen mesatarisht çdo vit rreth 40-50% e vlerës totale të kërkesës për investime kapitale.