Në Shqipëri nuk janë mirëpritur rezultatet e referendumit në Angli, ku qytetarët votuan pro daljes së vendit të tyre nga Bashkimi Europian. Në një prononcim për mediat, Ministrja e Integrimit Klajda Gjosha, tha se sot është një ditë e trishtë për BE, por pavarësisht këtij rezultati tha ajo, vendi ynë do të vijojë rrugën drejt integrimit.
Klajda Gjosha:
“Është një mesazh negativ por do të shpresoja të kthehej në një forcë për të vazhduar projektin e Bashkimit Europian. Do ndryshojë filozofia, por jo baza e Bashkimit Europian. Për Shqipërinë procesi vazhdon dhe ne jemi të vendosur dhe të bindur për ta çuar më tej. Duhet të vazhdojmë përpjekjet për të arritur standardet europiane”.