Një vilë në bregdetin francez, ku Picasso kaloi vitet e fundit të jetës së tij do të dalë në ankand të enjten.

Aktualisht e vlerësuar me 20,2 milionë euro, shtëpia, e njohur në zonë si Mas de Notre Dame de Vie u ble në vitin 1961 nga piktori spanjoll, i cili vdiq 12 vite më vonë më 8 prill 1973.

Ajo është e vendosur në kodër rreth katër milje në veri të Kanës, Francë. Kur Picasso bleu shtëpinë, ajo kishte 24 dhoma. Fillimisht shtëpia u shtua me një hapësirë për studio që kishte edhe tarracën e vet. Gjatë viteve pasuese, shtëpia u rrit disa herë më shumë.

Shtëpia kryesore përfshin 13.000 metra katrorë me pesë dhoma gjumi dhe nëntë banjot të plotë dhe një gjysmë si dhe dy kuzhina. Një shtëpi mysafirësh ndodhet në një hapësirë prej 4.000 metrash katrorë. Shtëpia e ndodhur mes një kodre ofron pamje mbresëlënëse të Kanës dhe detit.

Pas vdekjes së tij, bashkëshortja e fundit Jacqueline Roque jetoi në këtë shtëpi deri në momentin e vetëvrasjes në 1986.

Ishte vajza e tij, Catherine Hutin-Blay e lindur nga martesa e parë, e cila trashëgoi shtëpinë më pas e shiti për një shumë rreth 10 milionë euro. Përpara Pablo Picassos, kjo shtëpi i përkiste familjes Guinness. Ëinston Churchill qëndronte rregullisht gjatë periudhës së pushimeve.