Nëpërmjet një statusi në facebook ish kryeministri Sali Berisha ka shpërthyer kundër qeverisë së Edi Ramës. Duke ju referuar një studimi në BE, Sali Berisha tha se ka ardhur koha që në vendin tonë të nisë revolucioni popullor. Në studimin e BE është analizuar fenomeni i blerjes së votës, në të cilën thuhet se në 20% të votuesve u është ofruar blerja e votës.

Sali Berisha:
“Një studim që bën thirrje për revolucion!
BE: “20% të votuesve në Shqipëri iu ofrua blerja e votës, mjaftueshëm për të ndryshuar rezultatin”
Të dashur miq, një studim i Bashkimit Europian ka gjetur se në Shqipëri 20% e votueseve morën ofertë për blerjen e votës. Kjo shifër është e mjaftueshme për të përmbysur çdo rezultatin, thotë studimi. Ky studim dëshmon se në Shqipëri demokracia ka vdekur, zemra e saj, vota e lirëka ndaluar se rrahuri.
Ky studim është një thirrje, është një kushtrim për mbarë shqiptarët të ngrihen me guxim dhe vendoshmëri në një revolucion demokratik për të përmbysur këtë klikë që asgjesoi në Shqipëri votën e lirë! sb