Dyshohet se rënia e urës Morandi në Gjenova ka shkaktuar dhjetëra viktima. Ende nuk është konfirmuar zyrtarisht numri i të vdekurve pasi njerëzit kanë mbetur të bllokuar në makina, nën rrënoja. Ekipet e emergjencës flasin për rreth njëzet automjete të përfshira në aksidentin e frikshëm. Disa të plagosur janë nxjerrë nga rrënojat dhe tashmë janë transportuar në spitalet lokale me helikopterë. Ministri i Brendshëm Mateo Salvini ka reaguar për ngjarjen e rëndë. "Falënderoj heronjtë që po punojnë për të shpëtuar jetët”. "Ne po ndjekim minutë pas minute situatën e rënies së urës së Gjenovës. Falënderoj 200 Zjarrfikësit (dhe të gjithë heronjtë e tjerë) të cilët tashmë po punojnë për të shpëtuar jetë"-tha Salvini.
Policia : "Makina të thërrmuara nën rrënoja"
Disa makina janë mbërthyer dhe grimcuar në rrënojat e urës së shembur Genoa, ndërsa disa makina të rënda përfunduan në përroin Polvecera. Kjo është ajo që raporton policia.