I ftohti arktik ka pushtuar jo vetëm Ballkanin, por dhe vendin tonë. Sinoptikanët parashikojnë ditë edhe më të ftohta, të mërkurën parashikohet një rënie e ndjeshme e temperaturave me 4 deri në 5 gradë, pra do të regjistrohen edhe vlera në -8 deri në -9 gradë celsius në zonat  malore, ku dhe rreshjet e dëborës do jenë prezente.
Edhe në zonat e ulëta dhe bregdetare do të arrijë vlera poshtë 0. Deri në fundin e javës vendi ynë do të mbetet i ndikuar nga masat e ftohta kontinentale, të cilat do të shkaktojnë akull dhe ngrica thuajse në pjesën më të madhe të territorit.